Qanat Islam álemniń eń qarqyndy boksshylary tizimine enip otyr
ASTANA. QazAqparat - Qazaqstannyń kásipqoı boksshysy Qanat Islam kolýmblııalyq Frantsısko Korderony jeńgennen keıin bylǵary qolǵap sheberleriniń reıtıngisinde birden 24 satyǵa kóterildi, dep habarlaıdy Vesti.kz.
Qazirgi ýaqytta Qanat jalpy esepte 82-orynda keledi, al orta salmaq dárejesinde úzdik ondyqqa engen. Boxrec.com portaly óziniń dástúrli álemniń eń jyldam qarqyn alyp kele jatqan boksshylary tizimine qazaqstandyq kásipqoı sportshyny da kirgizip otyr.
Aıta keteıik, Qanat Islam kolýmbııalyq Frantsısko Korderomen 23 mamyr kúni kezdesti. Úshinshi raýndta qarsylastyń bapkerleri Qanattyń kúshti soqqylarynan keıin jekpe-jekti toqtatyp tastaǵan bolatyn. Osylaısha, qazaq boksshysy tehnıkalyq nokaýtpen jeńiske jetti. Qanat úshin bul -kásipqoı boksta bolǵan 17 kezdesýdegi 17-jeńisi.
Qazaqstandyq jyl sońynda WBA belbeýin jeńip alýǵa tyrysatyndyǵyn jasyrmaýda.
