Qanat Islam álemdik WBC ataǵy úshin Astanada jekpe-jek ótkizýi múmkin
ASTANA. QazAqparat - 9 qyrkúıek kúni Astanada Búkilálemdik boks keńesiniń 55-shi Konventsııasy aıasynda tanymal qazaqstandyq boksshy Qanat Islam (23-0, 19KO) alǵashqy orta salmaqta WBC boıynsha álem chempıony ataǵy úshin jekpe-jek ótkizýi múmkin, dep habarlandy VKontakte jelisiniń «Profı Boks Kazahstana» tobynda.
Atap ótken jón, qazaqstandyq boksshy óz salmaǵynda bul uıymnyń TOP-15 qataryna enbeıdi. Sol sebepti, Qanat Islam óńirlik nemese qurlyqaralyq WBC belbeýi úshin AQSh aýmaǵynda aıqas ótkizedi dep kútilýde.
Tolyqtyra ketsek, Qanat Islamnyń salmaǵyndaǵy uıymnyń qazirgi chempıony 26 jastaǵy amerıkalyq Djermell Charlo (28-0, 13KO). Ol 22 sáýir kúni Brýklınde (Nıý-Iork, AQSh) otandasy Charlz Hatlımen (26-1-1, 18KO) jekpe-jekke shyǵyp, óz ataǵyn qorǵaıdy.
