Qanat Islam AQSh-taǵy jekpe-jegine daıyndyǵyn jalǵastyrýda
ASTANA. QazAqparat - Qazaqstandyq boksshy Qanat Islam (23-0, 19 KO) 26 mamyr kúni AQSh-tyń Boka-Raton qalasynda ótetin óziniń kelesi jekpe-jegine daıyndyqty jalǵastyrýda.
Sports.kz saıtynyń málimetinshe, meksıkalyq Norberto Gonsalespen (23-8, 13 KO) bolatyn aıqasta Islam birinshi orta salmaqtaǵy WBO NABA jáne WBA Intercontinental belbeýlerin sarapqa salady.
Fotograf Lester Sılva Instagram-daǵy óziniń akkaýntynda Qanattyń jattyǵý ústindegi fotosyn jarııalady.
Eske salaıyq, qazaqstandyq kásipqoı boksshy Qanat Islam Worldboxingnews.net saıtyna bergen suhbatynda álem chempıony atanatyn ýaqyt jetkendigin málim etken bolatyn.
