Qanat Islam AQSh-ta promoýterlik kompanııa ashty

ASTANA. QazAqparat - Qazaq boksshysy Qanat Islam Amerıkada «QAZAQ promotions» promoýterlik kompanııasyn ashty, dep habarlaıdy «QazAqparat» HAA tilshisi boksshynyń PR-menedjeri Berik Sultanǵa silteme jasap.

«QAZAQ promotions» Amerıkanyń iri promoýterlik kompanııalarymen birlesip úlken boks keshterin uıymdastyratyn bolady. Búginde «Main event» promoýterlik kompanııasymen seriktestik ornattyq. Alda jospar kóp. Bıyl chempıondyq jekpe-jek ótkizý - e ń basty maqsatymyz. Sol jolda komanda tynbaı eńbek etýde. Sýrette áriptesterimiz «Main event» promoýterlik kompanııasynyń ıesi, promoýter Kathy Duva jáne menedjer Egis Klimas», - dep jazdy Berik Sultan Feısbýktegi paraqshasynda.

Aıta ketsek, birinshi orta salmaqtaǵy qazaqstandyq kásipqoı boksshy Qanat Islam (25-0-0,20KO) Dúnıejúzilik boks qaýymdastyǵynyń (WBA) aqpan aıyndaǵy reıtınginde kóshbasshylyq ornyn saqtap qalǵan bolatyn.