Qanat Islam: 9 qyrkúıekti asyǵa kútip júrmin
ASTANA. QazAqparat - Búgin Qanat Islam daıyndyǵynyń óte joǵary deńgeıde ótip jatqanyn, 9 qyrkúıek kúnin asyǵa kútip júrgenin aıtty, dep habarlaıdy QazAqparat tilshisi.
Ol bul týraly búgin Astanada «EXPO-2017» kórmesiniń aýmaǵyndaǵy amfıteatr mańynda jankúıerlerine arnap ótkizgen ashyq jattyǵýynan keıin QazAqparat tilshisine bergen shaǵyn suhbatynda málim etti.
«9 kyrkúıek kúni ótetin boks keshine óte joǵary deńgeıde daıyndalyp jatyrmyn. Qazir ózderińiz kórip turǵandaı shetelden sparnıg qarsylastarym da tolyǵymen keldi. Cátin salsa, elorda tórinde eldiń eńsesin kóterip, erekshe boks keshin syılaýa ázirmin. Kúnder bolsa jaqyndap keledi. Boks ótetin kúndi asyǵa kútip júrmin», - dep atap ótti boksshy.
Sondaı-aq, qarsylasy da osal emes ekenin atap ótti.
«Men qalaı daıyndalyp jatsam, qarsylasym da solaı daıyndalyp jatqan bolýy kerek. Eshkim sharshy alańǵa daıyndyqsyz shyqpaıdy. Sol úshin bar kúsh-jigerimdi salyp, jeńiske jetýim kerek. Bul EKSPO aıasynda ótkeli otyrǵan iri boks keshi. Jankúıerlerim menen úlken úmit kútip otyr. Men sol úmitti aqtaı bilýim kerek», dep aǵynan jaryldy Qanat Islam.
Eske salaıyq, 9 qyrkúıek kúni Astanadaǵy «Saryarqa» velotreginde joǵaryda aty atalǵan jáne ózge de boksshylarymyz «EKSPO-2017» kórmesi aıasynda ótetin boks keshinde óner kórsetedi.
Basty jekpe-jek Qanat Islam men (24-0,19 KO) kanadalyq Brendon Kýk (18-0, 11KO) arasynda ótedi. Boksshylar birinshi orta salmaqtaǵy IBF tıtýlyna úmitkerlikke talasady. Sondaı-aq osy jekpe-jektiń anderkartynda qazaqstandyq 8 boksshy sharshy alańǵa shyǵady.
Olar: Janqosh Turarov (21-0, 15KO), Jánibek Álimhanuly (1-0, 1KO), Meıirim Nursultanov (3-0,2KO), Rýslan Myrsataev (3-0, 3KO), Álı Ahmedov (7-0,5KO), Aıdos Erbosynuly (6-0, 6KO), Dımash Nııazov (11-0-3, 5KO) jáne Nursultan Jańabaev.
