Qanat Islam 26 mamyrdaǵy aıqasqa daıyndyq ústinde
ASTANA. QazAqparat - Qazaqstandyq tanymal boksshy Qanat Islam (23-0, 19KO) Florıdada (AQSh) 26 mamyrda ótetin kezekti profı -rıngtegi jekpe-jegine daıyndyǵyn jalǵastyryp jatyr, dep habarlandy «Profı Boks Kazahstana» VKontakte tobynda.
Bizdiń otandasymyz birinshi orta salmaqta Norberto Gonsalespen (23-8, 13KO) WBO, NABA jáne WBA Intercontinental tıtýly úshin aıqasady.
«Qazaqstandyq Maıamıde ornalasqan Nelson Lopesdiń jattyqtyrý bazasynda kúnine eki retten sheberligin shyńdaý ústinde. Qanat kún saıyn Okıchobı kóliniń jaǵasynda saǵat 6:00-den bastap 20 shaqyrymǵa júgiredi,-dep habarlaıdy boksshynyń ókili Berik Sultan.
Taıaý kúnderi aldaǵy aıqas týraly baspasóz máslıhaty ótedi.
Buǵan qosa aıtarymyz, bul boks keshine ózge qazaqstandyq boksshy Janqosh Turarov ta qatysady. Ázirge onyń qarsylasy belgisiz bolyp otyr.
«Qazaqstan» telearnasy Islam men Janqoshtyń jekpe-jekterin 27 mamyr kúni tikeleı efırden kórsetedi.
