Qanat Islam 21-shi jekpe-jegine daıyndyq ústinde
ASTANA. QazAqparat - Qanat Islamnyń 21-shi jekpe-jegi 8 mamyr kúni ótedi. Boksshy qazir AQSh-ta jattyǵý jasap, kezdesýge qyzý daıyndalyp júr, dep jazady oishogyr.kz.
«Kóńil kúıim keremet. Qazir jarysqa qyzý daıyndyq júrip jatyr. Bul jolǵy qarsylasym - kolýmbııalyq Hýan de Anxel. Osy ýaqytqa deıin 18 kezdesý ótkizgen tájirıbeli boksshy. Ózindik stıli bar. Men eshqandaı qarsylasymdy osal dep eseptemeımin. Ár kezdesýime bar kúshimdi salyp daıyndalamyn. Sebebi bul - boks. Boksta daıyndyqsyz jeńis bolmaıdy. Alla buıyrtsa,judyryqtasatyn sátti asyǵa kútip júrmin. Qazaq eline taǵy da bir jeńis syılap, el abyroıyn asqaqtatý - men úshin úlken qýanysh», - deıdi Qanat Islam. El mereıin asqaqtatyp júrgen namysty ulǵa biz de jeńis tileımiz.
