Qanat Islam 2017 jyldyń úzdik menedjerimen jumys isteı bastady
ASTANA. QazAqparat - Qazaqstandyq boksshy Qanat Islam AQSh-tyń tanymal menedjerimen kelisimshartqa otyrǵanyn resmı jarııalady, dep habarlaıdy QazAqparat tilshisi.
«Qanat Islam The Ring jýrnalynyń nusqasy boıynsha 2017 jyldyń eń úzdik menedjeri Egıs Klımaspen kelisimshartqa otyrdy. Egıs kásipqoı bokstyń jarqyn juldyzyna aınalǵan Sergeı Kovalev, Aleksandr Ýsık, Vasılıı Lomachenko syndy boksshylarmen jumys isteıdi.
Qazir Qanat Islam Amerıkanyń Kalıfornııa shtatynda jattyǵý jumystaryn bastap ketti», - delingen boksshynyń Instagram jelisindegi paraqshasynda.
Aıta keteıik, búginde menedjer Egıs Klımaspen tórt qazaqstandyq boksshy - Madııar Áshkeev (8-0, 4 KO), Saǵadat Rahmanqulov (1-0, 1 KO), Meıirim Nursultanov (5-0, 4 KO) pen Ashat Ýálıhanov (2-1, 2 KO) jumys isteıdi.
Qanat Islam (25-0, 20 KO)WBO NABO men WBA Inter-Continental belbeýleriniń ıegeri. Búkilálemdik boks uıymy (WBO) aqpan aıyndaǵy reıtıngisinde Islamdy qaıtadan ekinshi orynǵa qoıdy.
