Qanat Islam 20 aqpanda kimmen jekpe-jekke shyǵatyndyǵyn jarııalady
NUR-SULTAN. QazAqparat – Qazaqstandyq boksshy Qanat Islam (27-0-1, 21 KO) Gana sportshysy Obodaıa Saımen (laqap aty «Chýdo») aıqasatyndyǵy týraly jarııalady, dep habarlaıdy Sports.kz.
«Habarlaǵanyma qýanyshtymyn! 20 aqpan kúni saǵat 21:00-de (21 aqpan kúni Nur-Sultan ýaqytymen saǵat 09:00-de) kópten kútken jekpe jek ótedi! Biz sizderdiń ony qalaı uzaq kútkenderińizdi bilemiz!» - dep jazdy Islam Instagram-daǵy paraqshasynda.
On raýndyq jekpe-jek Maıamı qalasynda ótedi (Florıda shtaty, AQSh).
Eske sala ketsek, 2019 jyldyń qazan aıynda kásipqoı bokstaǵy sońǵy jekpe jeginde Qanat Islam Almatyda Namıbııa boksshysy Ýolter Kaýtondokvadan (18-2, 17 KO) basym túsip, WBO International dárejesi boıynsha orta salmaqtaǵy tıtýldy jeńip alǵan bolatyn.
