Qanat Bozymbaev Mańǵystaýdaǵy jylý men energııanyń tapshylyǵyn túsindirdi
ASTANA. QazAqparat - «Qazatomónerkásip» ulttyq kompanııasy men Mańǵystaý oblystyq ákimdigi «MAEK-Qazatomónerkásip» mekemesiniń elektr stantsııalarynyń turaqty jumysyn qamtamasyz etý úshin tıisti sharalardy qolǵa alýy qajet, dep xabarlaıdy QazAqparat tilshisi.
QR Energetıka mınıstri Qanat Bozymbaevtyń aıtýynsha, 28-30 qarashada «MAEK-Qazatomónerkásip» kompanııasynyń 2-shi jylý ortalyǵynda avtomatty retteý júıesiniń turaqsyz jumysy nátıjesinde 6-shy jáne 9-shi týrbınalarda apattyq jaǵdaı boldy. «Sonyń saldary Mańǵystaý turǵyndarynyń tutyný qabiletiniń shektelýine ákelip soqtyrdy. Sonymen birge «MAEK-Qazatomónerkásip» mekemesiniń 1-shi jylý elektr stantsııasynda birinshi energııa blogynda rotordy aýystyrý sharalary áli aıaqtalǵan joq. «Qazatomónerkásip» ulttyq kompanııasy Mańǵystaý oblystyq ákimdigimen birlesip, osy «MAEK-Qazatomónerkásip» mekemesiniń elektr stantsııalarynyń turaqty jumysyn qamtamasyz etý úshin tıisti sharalardy qolǵa alý qajettigine nazar aýdarǵym keledi», - dedi Q.Bozymbaev Úkimettiń búgingi otyrysynda.
Aıta keteıik, búginde monopolısterdiń qaryzy 6 mlrd teńgeden asty. Qaryzdyń basym bóligi - 3,8 mlrd teńge «MAEK-Qazatomónerkásip» JShS-na tıesili. Atalǵan kásiporyn gazdyń aqshasyn tólemeı otyr.
