Qanat Bozymbaev: Qazaqstanda atom stantsııasy salyna ma, joq pa - TEN anyqtap beredi

ASTANA. QazAqparat - «Qazatomónerkásip» ulttyq kompanııasy Qazaqstannyń atomdyq elekstrostantsııasynyń tehnıkalyq-ekonomıkalyq negizdemesin qurý jumysyn bastaýdy josparlap otyr, dep habarlaıdy «QazAqparat» HAA tilshisi energetıka mınıstri Qanat Bozymbaevqa silteme jasap.

«Osy jyldyń sońyna deıin bizdiń «Qazatomónerkásip» ulttyq kompanııasy tehnıkalyq-ekonomıkalyq negizdeme qurý jumysyn bastap ketedi dep josparlap otyrmyz. TEN-niń qurylýy kelesi jyly «ıá nemese joq» degen suraqqa jaýap beretin bolady. Demek, Qazaqstanda atom stantsııasy salynýy kerek pe, joq pa - TEN-niń nátıjesi anyqtap beredi», - dedi Qanat Bozymbaev HІ Eýrazııalyq KAZENERGY forýmynda.

Sonymen birge, energetıkanyń burynǵy vıtse-mınıstri Baqytjan Jaqsalıev Qazaqstanda elektrostantsııa salynatynyn, biraq onyń naqty qashan iske asyrylatyny belgisiz ekenin atap ótti.

«Naqty qazirgi ýaqytta Qazaqstanda atom stantsııasynyń qurylysy júrip jatpaǵanyn málimdegim keledi. Biraq, sonymen birge, biz bul turǵyda AES Qazaqstanda bolatynyn túsinemiz. Biz ony júzege asyrýdyń maqsatyn qarastyryp jatyrmyz. Búgingi tańda elektr energııasynyń 30 protsenti tolyq qýatta jumys atqaryp turǵan joq. Osylaısha, AES-ty salý boıynsha naqty sheshim qabyldanbady», - deıdi vıtse-mınıstr.

Vıtse-mınıstr óz sózinde Qazaqstannyń álemde birinshi bolyp tabıǵı ýrandy óndirip jatqanyn, elimizde biryńǵaı ıadrolyq-otyn ortalyǵy ashylyp jatqanyn jáne AES salý máselesi talqylanǵanyn atap ótti.

«Bul dıalektıka. Eger biz elimizdegi ekologııa máselesimen aınalysqymyz kelse, AES qurylysy sózsiz energııamen qamtamasyz etý jáne jylyjaılyq gazdardyń qaldyqtaryn tómendetetin baza boıynsha jasalǵan úlken qadam bolady.