Qanat Bozymbaev benzınniń óz baǵasy qanshaǵa shyǵatyndyǵyn aıtty
ASTANA. QazAqparat - QR Energetıka mınıstri Qanat Bozymbaevtyń aıtýynsha, búginde AI-92 markaly benzınniń 30 paıyzy kórshi Reseıden tasymaldanady.
Atalǵan janar-jaǵarmaıǵa ketetin barlyq shyǵyndardy sanaǵanda bir lıtrdiń baǵasy 150-151 teńgege shyǵady, dep habarlaıdy QazAqparat tilshisi.
«Endi qarańyz, Reseımen shekaralas jerlerde benzınniń bir tonnasy 560 dollarǵa satylady. Ony Qazaqstanǵa jetkizý, qujattaryn rásimdeý sharalary taǵy bar. Sonda janar-jaǵarmaı stansalary bir tonnaǵa shamamen 13 myń teńge jumsaıdy. Osylaısha, reseılik benzındi ózimizge ákelip satsaq, bir lıtri shamamen 150-151 teńgege shyǵady. Buny kez kelgen treıder bizden de artyq biledi», - dedi Bozymbaev Úkimet otyrysynan keıingi baspasóz máslıhatynda.
Aıta keteıik, Mınıstrler kabınetiniń otyrysynda mınıstr Bozymbaev benzın baǵasynyń qymbattaýyn túsindirdi. https://kaz.inform.kz/news/bozymbaev-benzin-bagasynyn-kymbattauyn-tusindirdi_a3071152 Sondaı-aq, baǵanyń qaı kezde turaqty bolatynyna boljam jasady. https://kaz.inform.kz/news/benzin-bagasy-kashan-turaktanatyny-belgili-boldy_a3071145
