Qanat Bozymbaev benzın qory týraly aıtty

ASTANA. QazAqparat - Elimizde ishki munaı ónimderi naryǵynda jaǵdaı turaqty. Bul týraly Úkimet otyrysynda QR Energetıka mınıstri Qanat Bozymbaev málim etti, dep habarlaıdy QazAqparat.

Janar-jaǵarmaı tapshylyǵy baıqalmaǵanyna toqtalǵan mınıstr, «Qazirgi kezde AI-92 markaly benzıniniń ortasha baǵasy lıtrine 156 teńge, dızel otyny 182 teńge deńgeıinde. 13 tamyzdaǵy jaǵdaı boıynsha, ishki naryqqa qajet janar-jaǵarmaı qaldyqtarynyń shamamen bir aılyq qory saqtalýda. Benzın boıynsha 336 myń tonna jáne dızel otyny 246 myń tonna mólsherinde qalyptasty», - dedi Qanat Bozymbaev.

Sonymen qatar, mınıstr kúzgi egin oraǵy naýqanyna oraı fermelerge qajetti kóleminde dızel otyny jetkizilgenin atap ótti.