Qanat Bozymbaev áýe kompanııalarynyń shaǵymyna jaýap berdi
Eske sala ketsek, áýe kompanııalary áýe kerosıni qymbattady dep shaǵymdanǵan edi.
Bozymbaev ótken jyly Energetıka mınıstrliginiń Air Astana kompanııasyna otyn ımporty boıynsha qoldaý kórsetkenin atap ótti.
«Sońǵy alty aıda men óz áriptesterimmen alty ret sóılestim, orynbasarym arnaıy Máskeýge birneshe ret baryp keldi, otynmen qamtamasyz etýmen aınalysatyn Air Astana vıtse-prezıdentimen únemi baılanysta. Ózge de áýe kompanııalary bizdiń Máskeýge baryp, olardyń jumysymen aınalysqanymyzdy qalaıdy, muny bilemiz. Biraq, biz bedeldi Scat áýe kompanııasynyń marketıngtik bólimi emespiz. Olar dál osylaı MÓZ-ge baryp, sáıkes baǵany atap, áýe kerosınin ákele alady. Munda ne nársege shaǵymdaný kerek, bilmeımin», - dedi ol QR Úkimetinde ótken baspasóz máslıhatynda.
Otandyq áýe kerosıni jóninde, Q.Bozymbaev ótken jyly 300 myń tonna óndirilgenin aıtty. Ázirge Shymkent MÓZ ǵana aınalysatynyn, ózge eki MÓZ-de kúkirtten tazartatyn qondyrǵynyń bolmaǵanyn túsindirdi.
«Eń úlken tutynýshy Air Astana boldy. Qazaqstandyq otyndy bólýmen sáıkes avıatsııalyq komıtetter aınalysady. Tutas alǵanda, otynǵa degen suranys 600 myń tonnany qurady», - dedi mınıstr.
Bıyl avıakerosınge suranys 700-750 myń tonnaǵa deıin artady dep kútilýde.
«Bıyl 450 myń tonna otynmen qamtamasyz etemiz, bul suranystyń 70%-in quraıdy. Pavlodar MÓZ jańǵyrtý jumystary aıaqtalǵan soń, áýe kerosınin shyǵara bastaıdy», - dep óz sózin tolyqtyrdy mınıstr.
Mınıstrdiń aıtýynsha, qazaqstandyq zaýyttar suranysty tolyq kólemde qamtamasyz ete alady, biraq bul sertıfıkattaýǵa tikeleı baılanysty.
«Bul Qazaqstannyń ǵana ishki sharýasy emes, eýrazııalyq qaýymdastyqtyń, Kedendik odaqtyń, Qazaqstanǵa ushatyn barlyq áýe kompanııalarynyń, qozǵaltqysh shyǵarýshylardyń jáne t.b. ortaq máselesi. Bul uzaq qajyrly eńbekti talap etetin protsess», - dedi Bozymbaev.
