Qanat Bozymbaev Atom elektr stansasy qurylysyn qoldaı ma

ASTANA. QazAqparat - Qazaqstanda Atom elektr stansasynyń qurylysyna qatysty túbegeıli sheshim áli shyqqan joq . Bul týraly búgin elordada halyqqa esep berý kezdesýi barysynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«AES qurylysy boıynsha sheshim áli qabyldanbady. Qazirgi ýaqytta «Qazatomónerkásip» UK-nyń enshiles kompanııasy «Qazaqstandyq atom elektr stansasy» AQ atom elektr stansasynyń tehnıkalyq-ekonomıkalyq negizdemesin ázirleýmen aınalysyp jatyr. Sodan keıin ǵana halyqaralyq kompanııa júrigizetin TEN nátıjeleri negizinde biz birneshe sarapshy tartyp, sheshim qabyldaıtyn bolamyz», - dedi mınıstr.

Onyń aıtýynsha, búginde álem elderi atom elektr stansasynyń qurylysyna qatysty ekige jarylyp otyr. Máselen, Frantsııa mundaı stansa salyp jatsa, Germanııa onyń qurylysynan bas tartqan.

«Ózime keler bolsam, biz ýran naryǵynda basymdyqqa ıe elmiz jáne álemdik naryqtyń 40 paıyzyn alyp otyrmyz. Sondyqtan shıkizat satyp, baǵa konıýktýrasyna táýeldi bolmaý úshin kólbeý ıntegratsııalanǵan kompanııa qurýǵa mindettemiz», - dedi Qanat Bozymbaev.