Qanat Bozymbaev Astana aspanyn nelikten tútin basqanyn aıtty
«Negizgi sheshim jeke turǵyn úı sektory men otyn-energetıkalyq keshenderde sapaly otyndy tutynýǵa baılanysty. ıAǵnı Astanada kómir jaǵýdy doǵarý qajettigi bar. Alaıda osynda gaz tartý kerek ekeni málim, sonymen qatar onyń quny halyqqa qolaıly bolýy tıis. Bul jumystar búginde pysyqtalýda jáne birinshi vıtse-premer deńgeıinde talqylanyp jatyr»,- dedi mınıstr Úkimet otyrysynan keıin.
Osy oraıda bul máselege qatysty ońtaıly sheshimder qarastyrylyp jatqanyn jetkizdi. Onyń sózine qaraǵanda, suıytylǵan tabıǵı gazdyń zaýytyn Aqtóbede nemese Qostanaıda salyp, ony osynda tasymaldaý qajet bolady. Alaıda bul qadam birshama qymbatqa túsedi.
«Eger de jobalanǵan qubyrdyń tehnıkalyq-ekonomıkalyq negizdemesin qarasaq, gazdy qubyrmen jetkizý jylý berý qunyn aıtarlyqtaı qymbattatýy múmkin. Sondyqtan da qazirgi kezde bul protsesti arzandatýdyń joldary qaralýda. Kómir arzan otyn ekeni túsinikti, sonymen qatar ony tasymaldaıtyn aralyq qashyq emes, al gazdy jetkizý alystaý. Biraq ta árdaıym densaýlyq pen ekologııaǵa tańdaý jasaý kerektigi túsinikti», -dedi Bozymbaev.
Budan bólek, mınıstr qalada qoıý tútinniń taralýyna kómir sapasynyń qatysy joq ekenin atap ótti.
