Qanat Bozymbaev Ulytaý óńiriniń kóktemgi sý tasqynyna daıyndyǵyn tekserdi

ASTANA.KAZINFORM - Premer-mınıstrdiń tapsyrmasy sheńberinde Astanada ótken Sý tasqynyna qarsy sharalardy úılestirý jónindegi respýblıkalyq shtab otyrysynan keıin vıtse-premer Qanat Bozymbaev Ulytaý oblysyna bardy. Bul týraly Úkimettiń baspasóz qyzmeti habarlady.

Қанат Бозымбаев Ұлытау облысына барды
Фото: primeminister.kz

Ulytaý aýdanynyń Qarakeńgir jáne Sarykeńgir ózeniniń arnasy, Malshybaı, Boztumsyq, Qorǵasyn aýyldary, Qaratorǵaı ózeniniń arnasyn Qostanaı oblysynyń shekarasyna deıin aralap, Kenenbaı jáne Qarsaqpaı bógetteriniń jaı-kúıine tekserý júrgizildi.

Sondaı-aq vıtse-premer Sarysý ózeniniń boıynda ornalasqan Jylandy jáne Jańabas eldi mekenderin aralap, Keńgir jáne Jezdi sý qoımalarynda boldy. Jezdi ózeni arnasynyń jaǵdaıyn tekserdi, onda sanatsııa, arnany tazartý jáne jaǵalaýdy nyǵaıtý (2 shaqyrym) júrgizilýde. Inspektsııa barysynda Qanat Bozymbaev ózendegi barlyq qajetti jumysty aıaqtap, Jezdi aýylyndaǵy qorǵanys bógetterin kóterýdi tapsyrdy. 

Qanat Bozymbaev Ulytaý oblysyna bardy
Foto: primeminister.kz

Ulytaý oblysynda barlyǵy 15,7 shaqyrym bóget jáne 115 metr aryq salyndy. 5,8 shaqyrym kanal, 1,3 shaqyrym aryq jáne 281 birlik sý ótkizý qurylystary tazartyldy. Taldysaı ózeniniń arnasy tazalanyp, Jylandy aýylyndaǵy Sarysý ózeniniń jaǵalaýyn bekitý boıynsha sharalar qabyldandy.

Sonymen qatar óńir tasqyn qaýpi joǵary aımaqqa jatady. Oblys aýmaǵynda sý tasý qaýpi bar 27 eldi meken bar, onyń ishinde 11-inde sý basý qaýpi saqtalyp otyr. Osyǵan baılanysty, Qanat Bozymbaev qarǵyn sýdyń esh kedergisiz aǵyp ketýi úshin ózen arnalaryn, nóser aǵyndary men sý burý arnalaryn tazartý jónindegi brıgadalardy uıymdastyrýdy, sondaı-aq sý qoımalarynan sý aǵyzýdy retteýdi erekshe baqylaýǵa alýdy tapsyrdy. 

sý tasqyny
Foto: primeminister.kz

Qutqarý qyzmetteriniń kúshteri men quraldarynyń jedel den qoıýǵa daıyndyǵyn, otyn, azyq-túlik jáne medıtsınalyq quraldar rezervterin daıyndaýdy qamtamasyz etý tapsyryldy. Sonymen birge óńirde gıdrotehnıkalyq qurylystarǵa kópfaktorly tekserý júrgiziledi jáne qajet bolǵan jaǵdaıda olardy nyǵaıtý, jóndeý boıynsha sharalar qabyldanady.

Buǵan qosa, qajet bolǵan jaǵdaıda adamdardy evakýatsııalaý jáne oıpatta ornalasqan qystaýdan maldy qaýipsiz jerge aıdaýdy ýaqtyly júrgizý, Tótenshe jańdaılar mınıstrligine – elimizdiń ońtústik óńirlerinen jeke quramdy jiberý jáne «Qazaqmys» korporatsııasyna sý tasqynyna qarsy jumystarǵa qajetti tehnıka bólýdi qamtamasyz etý tapsyryldy. 

sý tasqynyna daıyndyq
Foto: primeminister.kz

Ulytaý oblysynyń ákimi Dastan Ryspekov sý tasqynyna daıyndyq barysyn teksergen bolatyn.

Сейчас читают