Qanat Bozymbaev Úkimet janynan Alataý qalasyn damytý jónindegi jobalyq keńsesin qurýdy tapsyrdy
ASTANA. KAZINFORM – Premer-Mınıstrdiń orynbasary Qanat Bozymbaev Ulttyq ekonomıka, aýyl sharýashylyǵy vıtse-mınıstrleriniń, Qurylys jáne turǵyn úı-kommýnaldyq sharýashylyq isteri komıteti basshylyǵynyń, «Alatau» arnaıy ekonomıkalyq aımaǵynyń, jergilikti atqarýshy organdardyń, sondaı-aq iri ınvestorlardyń qatysýymen Alataý qalasyn damytý máseleleri boıynsha kóshpeli keńes ótkizdi.
Jıynda turǵyn úı-kommýnaldyq sharýashylyq, avtomobıl joldary, densaýlyq saqtaý, bilim berý jáne sport nysandaryn salý máseleleri talqylandy. Aıta keteıik, Alataýdyń quramyna 12 eldi meken kirdi. Qalanyń bas jospary bekitildi, ortalyq memlekettik organdardyń aýmaqtyq organdary quryldy. Qalanyń jalpy aýdany – 88 myń gektar, halqy shamamen 54 myń adam.
Alataý ákimi Árken Ótenov búgingi kúni qalada logıstıka, medıtsına jáne tamaq ónimderin óndirý salasyndaǵy jobalar iske asyrylyp jatqanyn baıandady. 6 myńnan astam jumys ornyn qura otyryp, 12 ınvestıtsııalyq joba úshin jer ýchaskelerin arnaıy ekonomıkalyq aımaqtyń qaramaǵyna berý josparlanyp otyr. Sondaı-aq, negizgi «mańyzdy» jobalar ornalasatyn 5,8 myń ga aýmaq anyqtaldy. Alaıda olardy qurý jáne olarǵa ınvestorlardy tartý úshin birqatar rásimderdiń merzimderin qysqartý qajet.
Qanat Bozymbaev baıandamalardy tyńdap, Alataýdyń damýy Memleket basshysynyń erekshe baqylaýynda ekenin atap ótip, mınıstrlikterdiń, jergilikti atqarýshy organdar men kásipkerlerdiń qatysýymen Úkimet janynan Jobalyq keńse qurýdy tapsyrdy. Ol Alataýdyń ómir tynysy men jumys úshin ınvestıtsııalardy tartýǵa jaǵdaı jasaý boıynsha máselelerdi júıeli negizde sheshetin bolady.
Vıtse-premer jobalaý-smetalyq qujattamany, salalyq ınfraqurylymdyq shemalardy ázirleýdi jedeldetýdi tapsyrdy. 10 jumys kúni ishinde ákimdik ınvestorlardy tarta otyryp, damý jobalaryn (zaýyttar, fabrıkalar, Áleýmettik jáne obektiler) anyqtap, kelesi jyly olardy qajetti ınjenerlik-kommýnıkatsııalyq ınfraqurylymmen qamtamasyz etýi qajet.
