Qanat Bozymbaev tergeý aıaqtalmaıynsha shahtadaǵy jumysty jalǵastyrmaýdy tapsyrdy
ASTANA. KAZINFORM - Premer-Mınıstrdiń orynbasary Qanat Bozymbaev «Qazaqmys» korporatsııasy» JShS basshylyǵymen keńes ótkizdi.

«Qazaqmys» marqumdardyń otbasylaryna qajetti qarjylaı kómek kórsetedi, sondaı-aq olardyń nesıelik qaryzdaryn óteıdi.
- Bizde marqumnyń ǵana emes, olardyń otbasy músheleriniń de nesıeleri men qaryzyn jabý ádetke aınalǵan. Ár otbasynyń muń-muqtajyn muqııat tyńdap, balalardyń, onyń ishinde kámeletke tolmaǵandardy oqytýǵa jumsalatyn shyǵyndar ótelýi kerek, - dedi Qanat Bozymbaev.
Sondaı-aq otbasylarǵa respýblıkalyq bıýdjetten tólenetin tólemder: asyraýshysynan aıyrylýy boıynsha memlekettik áleýmettik járdemaqy, saqtandyrý tólemderi, jerleý rásimine jumsalatyn shyǵyndar.
Vıtse-premer tólemderdi keshiktirmeýdi tapsyrdy. Tıisti tekserýlerden keıin «Qazaqmys Korporatsııasy» JShS-da baılanys mindettemeleri qaıta qaralatyn bolady.
- Tergeý onyń qaýipti nemese qaýipti emestigin anyqtaǵansha, shahtadaǵy jumysty qalpyna keltirý týraly oılamańyz. Júıe men tásilderdi túbegeıli ózgertý kerek, biz memleket tarapynan ony kúsheıtemiz. Ónerkásiptik qaýipsizdik komıteti quryldy, zańnamaǵa ózgerister engizip jatyrmyz. Qazirgi ýaqytta Parlament tıisti zań jobasyn qarastyryp jatyr, osy zań jobasy aıasynda mundaı apattardyń aldyn alý úshin bizge qosymsha ókilettikter beriledi. Memleket basshysy jan-jaqty tekserý júrgizýdi tapsyrdy. Bul quqyq qorǵaý organdarynyń saraptamalary, ónerkásiptik qaýipsizdik komıtetiniń jáne eńbek ınspektorlarynyń tekserýleri. Sizdiń mindetińiz – bul tótenshe jaǵdaıǵa kim jol bergenin anyqtaý, - dedi Qanat Bozymbaev kompanııa basshylyǵyna sóılegen sózinde.
Aıta keteıik, Ulytaýdaǵy ken ornynda bolǵan tótenshe jaǵdaıǵa qatysty «Taý-ken nemese qurylys jumystaryn júrgizý kezinde qaýipsizdik erejelerin buzý» baby boıynsha qylmystyq is qozǵalǵan bolatyn.
Esterińizge sala keteıik, Ulytaý oblysyndaǵy shahtada apat bolyp, 7 adam tótenshe jaǵdaıda qalǵan edi.
Oqıǵa ornyna jedel járdem brıgadalary jóneltildi. Kabelderdiń úzilýine baılanysty jumysshylarmen baılanys joq. Shahtada qalǵan jumysshylardyń tizimi belgili boldy.
Ulytaý oblysynda shahtanyń opyrylýyna baılanysty úkimettik komıssııa qurylǵan edi.
Іzdestirý-qutqarý jumystary barysynda qutqarýshylar toby «Qazaqmys korporatsııasynyń» 6 jumysshynyń denesin tapty.
Sondaı-aq shahtada bolǵan tótenshe jaǵdaıdyń aldyn ala sebebi atalǵan edi.
Memleket basshysy Ulytaý oblysynda kenshilerdiń qaza tabýyna baılanysty kóńil aıtty.
Ákimdik qaza bolǵandardyń otbasylaryna kómek kórsetedi.
Qaza tapqan kenshilerdiń otbasylaryna járdemaqylar men tólemder taǵaıyndalady.