Qanat Bozymbaev Tasqyn sý tasqynyn boljaý jáne modeldeý aqparattyq júıesiniń jumysyn tekserdi

ASTANA. KAZINFORM -  Memleket basshysynyń tapsyrmasy boıynsha «Tasqyn» jobasy júzege asyrylýda. Júıe avtomattandyrylǵan rejımde sý qoımasyna sý aǵynyn boljaýǵa, kóktemgi sý tasqyny kólemin anyqtaýǵa jáne sý basý aımaqtaryn modeldeýge múmkindik beredi.

Ony ázirleýge tsıfrlyq damý, ınnovatsııalar jáne aeroǵarysh ónerkásibi, sý jáne ırrıgatsııa, tótenshe jaǵdaılar, ekologııa jáne tabıǵı resýrstar mınıstrlikteri qatysty.

Qazirdiń ózinde «Qazsýshar» RMK 86 sý qoımasy tsıfrlandyryldy. «Qazgıdromet» RMK jáne GloFAS jahandyq sý tasqynynyń aldyn alý júıesiniń derekteri boıynsha ózenderdegi sý shyǵyndary men deńgeıleri boıynsha naqty jáne boljamdy derekterdi kórsetetin 75 ózen aǵynynyń tsıfrlyq gıdrografy ázirlendi.

«Sondaı-aq bizge óz bazamyzdy qalyptastyrý jáne sý tasqynyn modeldeý dáldigin jaqsartý úshin tarıhı derekterimizge súıený mańyzdy», — dep atap ótken Qanat Bozymbaev ázirleýshilerge tıisti tapsyrmalar berdi.

TsDIAÓM – sý tasqyny qubylystaryn únemi bastan keshiretin óńirler aýmaǵynyń relefin tsıfrlandyrýdy aıaqtaıdy.

Qazgıdromet – qar jamylǵysyn, qardyń jınaqtalǵan qoryn jáne topyraqqa tońnyń qatýyn baǵalaý úshin baqylaýdy arttyrady. 

SRIM – jyl sońyna deıin elimizdiń negizgi ózenderinde batımetrııalyq túsirilim júrgizýdi aıaqtaıdy.

Jetildirilgennen keıin júıe múddeli memlekettik organdardy oqytyp, osy jyldyń sońyna deıin ónerkásiptik paıdalanýǵa engiziledi.