Qanat Bozymbaev tabıǵı apattardan turǵyn úılerdi mindetti saqtandyrý júıesin ázirleý barysyn tekserdi

ASTANA. KAZINFORM - Premer-mınıstrdiń orynbasary Qanat Bozymbaev tabıǵı apattar táýekelderin basqarý jáne qarjylandyrý júıesin jetildirý máseleleri boıynsha keńes ótkizdi, dep habarlaıdy Úkimettiń baspasóz qyzmeti.

Bıylǵy jyldyń mamyr aıynda tabıǵı apattardan turǵyn úılerdi mindetti saqtandyrýdy engizý jónindegi Jol kartasy bekitildi. Jol kartasyna sáıkes atqarylǵan jumystar týraly Qarjy naryǵyn retteý jáne damytý agenttigi, Tótenshe jaǵdaılar mınıstrligi, Qarjy mınıstrligi, Tsıfrlyq damý mınıstrligi esep berdi.

Búgingi kúni tabıǵı apattardan turǵyn úıdi mindetti saqtandyrý týraly Zań jobasy ázirlenip, memlekettik organdardyń qaraýyna joldandy. Zań jobasynda memlekettik saqtandyrý uıymyn qurý, tabıǵı apattar qaýpi joǵary óńirlerdiń tizimin bekitý, saqtanýshylardyń mindetti jarnalaryn jınaý tártibi, saqtandyrý tólemderin júzege asyrý tártibi jáne t.b. kózdelgen.

Tótenshe jaǵdaılar mınıstrligi tabıǵı apattarǵa ushyraý qaýpi bar aýmaqtardy aıqyndaý jáne el óńirleriniń táýekelge ushyraý deńgeılerin anyqtaý boıynsha ádistemelik usynymdar jobalaryn ázirledi.

- Memlekettik aqparattyq júıelermen ıntegratsııa júrgizilip jatyr, tabıǵı apattar kezinde bıýdjet shyǵystaryn qarjylandyrý úshin shuǵyl nesıe alý sharttary boıynsha halyqaralyq sarapshylarmen konsýltatsııalar ótkizildi, - delingen habarlamada.

Osyǵan deıin Bozymbaev sý salasyndaǵy memlekettik saıasattyń negizgi baǵyttaryn ataǵany týraly jazdyq.