Qanat Bozymbaev sý tasqynynan zardap shekkenderge tólengen ótemaqy somasyn atady

ASTANA. KAZINFORM – Búgin Úkimet otyrysynda Premer-Mınıstrdiń orynbasary Qanat Bozymbaev sý tasqynynan zardap shekkenderge tólengen ótemaqy somasyn atady.

«Búgingi tańda 20 600 otbasy 100 aılyq eseptik kórsetkish mólsherinde birjolǵy tólem aldy. Tólengen qarajattyń jalpy somasy - 7,5 mlrd teńge. 680 otbasy keltirilgen materıaldyq shyǵyn úshin 362 mln teńge somasynda ótemaqy aldy», - dedi Qanat Bozymbaev.

Vıtse-premerdiń dereginshe, 568 otbasy turǵyn úıdi jóndeýge jáne qalpyna keltirýge 710 mln teńge somasynda ótemaqy alyp úlgerdi.

«Óńirlerde zalaldy baǵalaý jáne ony óteý jumystary jalǵasyp jatyr. Jaǵdaı turaqty baqylaýda», - dedi ol.