Qanat Bozymbaev Qyrǵyzstan men Ózbekstanda sý jetkizý máseleleri boıynsha kelissózder júrgizdi

ASTANA. KAZINFORM – 28 shilde kúni Premer-mınıstrdiń orynbasary Qanat Bozymbaev jumys saparymen Qyrǵyzstanǵa baryp, Qyrǵyz Respýblıkasy Mınıstrler kabınetiniń tóraǵasy Adylbek Kasymalıevpen jáne salalyq vedomstvolar basshylarymen kelissózder júrgizdi.

Taraptar Naryn kaskady, Talas basseıni, sondaı-aq Kırov jáne Orto-Tokoı sý qoımalarynyń tamyz aıyndaǵy jumys tártibin talqylady. Kezdesý nátıjesinde buryn bekitilgen kelisimder aıasynda qýańshylyq pen sýdyń az kelýi saldarynan jetpeı qalǵan sý kólemin qosymsha jetkizý jóninde kelisimge qol jetkizildi.

29 shilde kúni Qanat Bozymbaev Tashkent qalasynda Ózbekstan Premer-mınıstri Abdýlla Arıpovpen jáne sý-energetıka salasynyń basshylarymen kelissózder júrgizdi. Kezdesý barysynda sý berý kestesinen qalyp qoıǵan jaǵdaıdy eki apta ishinde qalpyna keltirý boıynsha naqty sharalar kelisildi.

Osylaısha Jambyl, Qyzylorda jáne Túrkistan oblystarynda vegetatsııa kezeńiniń aıaqtalýy tolyq kólemde qamtamasyz etiledi. Bul másele Úkimet pen óńirlik bıliktiń turaqty baqylaýynda tur.

Aıta keteıik, Qazaqstan ońtústik óńirlerdiń sý tapshylyǵyn sheshý baǵytynda kórshi eldermen kelisimge kelgenin jazǵanbyz.