Qanat Bozymbaev Qazaqstanda AES salý máselesine pikir bildirdi

ASTANA. KAZINFORM –  Prezıdent keńesshisi Qanat Bozymbaev Nazarbaev ýnıversıtette ótip jatqan halyqaralyq forým barysynda BAQ ókilderiniń saýalyna bergen jaýabynda Qazaqstanda AES salý máselesine pikir bildirdi.

«Energetıka salasynda jumys istegen adam retinde pikirińizdi bilsek dep edik. Qazaqstanda AES salý týraly sheshim qabyldansa, qaı eldiń tehnologııasyna júginý durys dep esepteısiz», - dep surady jýrnalıst.

«Energetıka salasynda jumys istegen adam retinde surap tursańyz, aıtaıyn. Atom energetıkasy salasynda stansa salýda kóshbasshylyq etip otyrǵan 4 memleket bar. Ol, árıne, bizdiń eki kórshimiz – Qytaı men Reseı, Ońtústik Koreıa jáne Frantsııa. Osy tórteýi básekelestikke shyǵýy múmkin», - dedi Qanat Bozymbaev.

Buǵan deıin Energetıka mınıstri Almasadam Sátqalıev Qazaqstanda AES salýǵa úmitker venderler arasynda AQSh kásiporyndary da bar ekenin aıtqan.