Qanat Bozymbaev BQO sý tasqynynyń kezekti tolqynyna daıyndyq barysyn tekserdi
ORAl. KAZINFORM - Vıtse-premer, Sý tasqynyna qarsy is-sharalardy úılestirý jáne sý tasqynynyń saldaryn joıý jónindegi respýblıkalyq shtab meńgerýshisiniń orynbasary Qanat Bozymbaev Oral men Jaıyq ózeniniń arnasynyń RF shekarasyna deıingi aralyǵyn tikushaqpen qarap shyqty.
13 sáýirde Jaıyq ózenindegi Oral gıdrologııalyq beketinde sý deńgeıi 743 sm-ge deıin kóterildi, qaýipti deńgeı 850 sm qurady. Oblystyń ishki ózenderiniń kópshiliginde sý tasqyny sharyqtaý shegine jetti.
17 sáýirde ıAnvartsevo aýylynyń sý qoımasy arqyly Reseı Federatsııasynan keletin sýdyń saldarynan Jaıyq ózeninde sý tasqynnyń sharyqtaý shegi bastalady dep kútiledi. 20-21 sáýirde Oralǵa sý keledi dep boljanýda. Osyǵan baılanysty, Qanat Bozymbaev sý tasqynyna daıyndalý úshin BQO-ǵa qosymsha 750 birlik tehnıka tartýdy tapsyrdy, onyń 100-i Jaıyq ózeniniń joǵary aǵysy boıynsha eldi mekender úshin, 500-i Oral úshin jáne 150-i ózenniń tómen aǵysy úshin. Budan basqa, eldi mekenderdiń aınalasyndaǵy bógetter men bóget qurylystaryn nyǵaıtýdy tapsyrdy.
Qazir qutqarý jumystaryna 6533 adam jumyldyryldy. 915 birlik tehnıka, 21 sý aıdaý quraly, 32 júzý quraly, 5 áýe kemesi tartyldy
Jumys sapary barysynda Qanat Bozymbaev ózen sýy jaıylǵan jerge ornalasqan jáne sý basý qaýpi bar eldi mekenderde: ıAnvartsevo, Jarsýat aýyldary, Bórli aýdanynda qorǵanys qurylystary men bógetter salý jumystaryn tekserdi.
Sondaı-aq vıtse-premer shtab otyrystaryn ótkizdi, TsDIAÓM, Qazgıdromet, Sý resýrstary jáne ırrıgatsııa mınıstrligi, TJM mamandarynyń jáne táýelsiz sarapshylardyń esepteri men boljamdaryn tyńdady.
