Qanat Bozymbaev AZAL ushaǵyndaǵy shuryq-tesikter týraly suraqqa jaýap berdi
ASTANA. KAZINFORM – Premer-Mınıstrdiń orynbasary Qanat Bozymbaev Aqtaý mańynda apatqa ushyraǵan AZAL jolaýshylar ushaǵyndaǵy shuryq-tesikter týraly tilshiler suraǵyna jaýap berdi.
Áleýmettik jelide AZAL ushaǵynyń artqy bóliginde shuryq-tesik izder kadry jarııalanǵan edi.
— Qazir vedomstvoaralyq jedel-tergeý toby quryldy. Menimen birge krımınalıst-sarapshylar jáne avıatsııa ákimshiliginen osyndaı áýe oqıǵalaryn zertteıtin mamandar da keldi. Olar qylmystyq is aıasynda barlyq dálelderdi jınap, qajetti saraptamalardy júrgizedi jáne apattyń sebebin anyqtaıdy. Qara jáshikti shıfrlaý jáne basqa da jumystar júrgiziledi. Árıne, barlyǵyn jarııalaımyz, — dedi Q. Bozymbaev.
Eske sala keteıik, Qanat Bozymbaev Aqtaý mańyndaǵy ushaq apatynan zardap shekkenderdiń jaǵdaıymen tanysty.