Qanat Bozymbaev áýe apaty týraly: aldyn ala sebebin aıtý múmkin emes

ASTANA. KAZINFORM — Úkimet basshysynyń orynbasary Qanat Bozymbaev Aqtaý mańyndaǵy áýe apatyna qatysty pikir aıtty.

— Tipti, aldyn-ala sebebin anyqtaý múmkin emes, óıtkeni, bul úshin arnaıy mamandar bar. Jumys júrip jatyr, sonda jaǵdaı naqty bolady. Dál qazir naqty eshteńe aıta almaımyn. Adamdar baryn salyp jatyr, ushaq qulap, aýdarylyp jatqanda biraz nárse bolýy múmkin. Sondyqtan qorytyndy jasaǵym kelmeıdi, — dedi Qanat Bozymbaev áýe apaty bolǵan óńirde ótken brıfıngide. 

Aıta ketsek, aldyn ala aqparat boıynsha, Aqtaý mańyndaǵy ushaq apatynan tiri qalǵan qazaqstandyqtar joq. 

Úkimet basshysynyń orynbasary Qanat Bozymbaev Aqtaýǵa baryp ushaq apatynan zardap shekkenderdiń jaǵdaıymen tanysty. 

Ókinishke qaraı, elimizdiń kólik mınıstri Marat Qarabaev ushaq bortynda bolǵan barlyq qazaqstandyq mert bolǵanyn habarlady.