Qanat Bozymbaev aldaǵy merekege oraı tótenshe jaǵdaılar salasy men ishki ister organdaryna tapsyrma berdi
ASTANA. KAZINFORM - Qanat Bozymbaev TJM, ІІM jáne ákimdikterdiń aldaǵy mereke kúnderi qaýipsizdikti qamtamasyz etýge daıyndyǵyn tekserdi, dep habarlaıdy Úkimettiń baspasóz qyzmeti.
Vıtse-premer qabyldanyp jatqan sharalar týraly jaýapty mınıstrlikter men óńir ákimdikteriniń esepterin tyńdady.
Jeltoqsanda órt qaýipsizdigi aılyǵy bastaldy. Tótenshe jaǵdaılar mınıstrligi alǵashqy aptanyń ishinde eldi mekenderdegi 2,5 myńnan astam úıdi qamtıtyn profılaktıkalyq reıdter ótkizdi. Peshter men elektr júıeleri tekseriledi. Sondaı-aq pırotehnıkalyq buıymdardy paıdalaný erejeleri túsindiriledi. Іshki ister mınıstrligimen birlesip, «Pırotehnıka» jedel-profılaktıkalyq is-sharasy ótýde. 670 mobıldi top qurylyp, pırotehnıkany saqtaý jáne taratý oryndary boıynsha 78 reıdtik is-shara ótkizildi. Ruqsat etilmegen saýda úshin 21 adam ákimshilik jaýapkershilikke tartyldy. Elge pırotehnıkalyq ónimderdi zańsyz ákelý faktileriniń jolyn kesý boıynsha jumystar júrgizilýde. Mereke qarsańynda ІІM men TJM qyzmet kórsetýdiń kúsheıtilgen jumys rejımine kóshýde.
«Oıyn-saýyq jáne adamdar kóp jınalatyn oryndardy aldyn ala tekserý qajet. Órt sóndirý quraldarynsyz buqaralyq is-sharalar ótkizýge ruqsat bermeý qajet. Adamdardy shuǵyl evakýatsııalaý boıynsha qyzmetkerlermen oqý-jattyǵýlaryn ótkizý kerek. Saýda jáne oıyn-saýyq ortalyqtary, teatrlar men sport keshenderiniń parkıngterine gaz jabdyqtary bar avtokólikterdiń kirýine jol bermeýge erekshe nazar aýdarý qajet. Biz tótenshe jaǵdaılardyń aldyn alý boıynsha keshendi sharalar qabyldaýymyz kerek», — dep tapsyrdy Qanat Bozymbaev.
Vıtse-premer Oqý-aǵartý mınıstrligine men óńir ákimdikterine qysqy demalys jáne jańa jyldyq merekeler kezinde balalar men jasóspirimderdiń bos ýaqytyn laıyqty uıymdastyrý tapsyryldy. Sondaı-aq Mádenıet jáne aqparat mınıstrligi halyqty mereke kúnderindegi qaýipsizdik sharalary týraly keńinen habardar etýi kerek.
Osyǵan deıin azyq-túlik ınflıatsııasyn tejeý úshin aımaqtarda kókónis qorlary paıdalanyla bastaǵany týraly jazdyq.