Qanat Ábýtálipov Búkilálemdik boks serııasynyń chempıony atandy
ASTANA. 28 mamyr. QazAqparat /Jasulan Amanbaıuly/ - Keshe, 27 mamyrda Qytaıdyń Gýıjoý (Guizhou) qalasynda Búkilálemdik boks serııasynyń (WSB) jekeleı synyndaǵy eń úzdik boksshylar anyqtaldy.
Ol jarysta WSB reıtınginde úzdik shyqqan «Astana arlandary» klýbynyń músheleri Qanat Ábýtálipov (54 kg) pen Erjan Músápirov (61 kg) sharshy alańǵa shyqty. Qanat "Parıj ıÝnaıted" komandasynyń boksshysy frantsýz Nordın Oýbaalımen, Erjan qytaılyq Jımın Vangpen bokstasty.
Q. Ábýtálipov sońǵy raýndtardyń birinde qabaǵynan aýyr jaraqat alǵanymen jekpe-jekti sońyna deıin ótkizip, frantsýzdy 2:1 esebimen jeńdi. Al E. Músápirov qytaılyqqa jol berdi. Osylaısha Qanat WSB nusqasy boıynsha chempıon atanyp, jeńimpazǵa beriletin 20 myń AQSh dollary men London olımpıadasynyń joldamasyn jeńip aldy.
Jalpy eki kúnge sozylatyn bul dúbirli doda kezinde Búkilálemdik boks serııasynyń reıtınginde úzdik shyqqan 10 bylǵary qolǵap sheberi ózara qolǵap túıistiredi. Olar London Olımpıadasynda Búkilálemdik boks serııasy jeńimpazdary retinde óner kórsetpek.
Keshe sharshy alańda qazaqstandyqtarmen qatar, 91 keliden joǵary salmaqtaǵy ıtalıandyq Klemente Rýsso men ázirbaıjandyq Magomedrasýl Medjıdov saıysqa tústi. Munda tájirıbesi mol Klemente Rýsso basymyraq boldy.
Búgin bul saıys 73 pen 85 keli salmaqtaǵy boksshylar arasynda ótedi. Onda ýkraınalyq Sergeı Derevıanchenko men ázirbaıjandyq Soltan Mıgıtınov, aljırlik Abdelhafıd Benshabla (Abdelhafid BENCHABLA) men frantsııalyq Lýdovık Grogýhımen qolǵap túıistiredi.
Eske sala keteıik, WSB serııasynyń klýbtyq jarysynda «Astana arlandary» aqtyq synǵa deıin jetken bolatyn. Qazaqstandyq ujym sońǵy jekpe-jeginde «Parıj ıýnaıted» komandasynan jeńildi.
