Kanar araldaryndaǵy orman órtine baılanysty myńdaǵan adam evakýatsııalandy
SANTA-KRÝS-DE-TENERIFE. QazAqparat – Kanar araldaryndaǵy Palma aralynyń myńdaǵan turǵyny senbi kúni tańerteń bastalǵan orman órtine baılanysty úılerin tastap ketýge májbúr boldy.
Órt 4500 gektar jerdi sharpyp, onnan astam úı joıyldy. Órtti sóndirýge túrli vedomstvolardan 400-ge jýyq áskerı qyzmetshi tartyldy, dep habarlaıdy QazAqparat BBC agenttigine silteme jasap.
Resmı tulǵalar 4255-ke jýyq adam evakýatsııalanǵanyn, al qalǵany ketýden bas tartqanyn aıtty. Órt Pýntagordanyń soltústik-batys mýnıtsıpalıtetindegi El-Pınar aýdanynda bastaldy, sodan keıin ońtústikke qaraı Tıharafe qalasyna qaraı taraldy.
Qarańǵy túskenge deıin órtti sóndirýge gıdroplan tartyldy. Jergilikti BAQ-tyń habarlaýynsha, operatsııaǵa jeksenbide ekinshisi qosylady.
Qyzyl Krest evakýatsııalanǵandarǵa kómek kórsetý ortalyǵyn qurdy. Ispanııa ókilderi órtten zardap shekken adamdarǵa nıettestik bildirip, aral bıliginiń qaramaǵyna barlyq qajetti qarajat berýge daıyn ekenin aıtty.
Órt Eýropanyń ońtústiginiń kóp bóliginde temperatýranyń kúrt kóterilýine ákelgen aptap ystyqtan shyqqan.
Buǵan deıin Bodrým áýejaıy mańynda ormannan órt shyqqanyn habarlaǵan edik. Aýa temperatýrasy bul aýdanda 43 gradýstan asady.
