Kanar araldarynda ormandar órtenip jatyr: aımaqtaǵy aýyl turǵyndary qaýipsiz jerge kóshirilýde
TENERIFE. QazAqparat – Ispanııa bıiligi Kanar arhıpelagyndaǵy iri degen araldardyń biri - Tenerıfedegi tórt aýyl turǵyndaryn qaýipsiz jerge kóshirý týraly buıryq berdi.
Bılik mundaı sharaǵa Teıde janartaýyn qorshap turǵan tabıǵı park aýmaǵynda tutanǵan órtke baılanysty barǵan, dep habarlaıdy QazAqparat Reuters agenttigine silteme jasap.
Órt Tenerıfe aralynyń soltústik-shyǵysynda seısenbi kúni ormandy alqaptan bastaldy. Bul aımaqtyń relefi óte kúrdeli, soǵan qaraı órtti sóndirý de qıynǵa soǵyp otyr.
Canarias Radio-nyń habarlaýynsha, órtti sóndirýge tikushaqtar jumyldyrylǵan. Arrate, Chıvısaııa, Medıa-Montanıa jáne Adjafona aýyldarynyń turǵyndary evakýatsııalandy.
Órt Teıde janartaýynyń mańyndaǵy 130 gektarǵa jýyq jerdi kúlge aınaldyrdy. Teıde janartaýynyń bıiktigi 3 718 metr. ıAǵnı ol Ispanııanyń eń bıik jeri degen sóz.
Aıta keteıik, ótken aptada Kanar araldarynda erekshe ystyq bolyp, órt qaýpi týyndady.
