Kanar araldarynda halyqty evakýatsııalaý jalǵasyp jatyr

TENERIFE. QazAqparat – Ispanııanyń soltústigindegi Tenerıfe aralynda (Kanar araldary tobyna kiredi) tutanǵan orman órtin ázirge aýyzdyqtaý múmkin bolmaı otyr. El bıligi halyqty evakýatsııalaýdy jalǵastyrýǵa májbúr. Bul týraly QazAqparat Kanar araldary úkimetiniń saıtyna silteme jasap habarlaıdy.

«Aýa raıy ózgerip, bizge Tenerıfeniń soltústigindegi eldi mekenderdi, ásirese bes aýdandy qaýipsiz jerge kóshirýge týra keldi», - dedi jergilikti bılik ókili Manýel Mıranda.

Málimetke súıensek, 26 myńǵa jýyq adam tótenshe jaǵdaıǵa baılanysty evakýatsııalandy nemese úılerinde qalýǵa uıǵarym aldy.

M.Mırandanyń sózinshe, túngi ýaqytta aýa temperatýrasy men jeldiń kúshi artqan. Bılik halyq arasynda adamdardyń ólimin boldyrmaýǵa basymdyq berip otyr.

Degenmen, tabıǵı apat týrıster arasynda tanymal aýdandarǵa zardap tıgizip jatqan joq jáne araldyń eki áýejaıy da shtatty rejımde jumys istep tur.

Eske salaıyq, Kanar araldarynda órt sársenbi kúni bastalǵan bolatyn. Jáne buǵan deıin 3 myń halyq evakýatsııalanǵany týraly aıtyldy.