Kanaldardy rekonstrýktsııalaý: 600 mln teńgege jýyq qarjy únemdeldi
ASTANA. KAZINFORM – «Qazsýshar» RMK óz kúshimen magıstraldyq kanaldardy rekonstrýktsııalaý boıynsha 7 jobany ázirledi. Bul kásiporynǵa 583,2 mln teńge únemdeýge múmkindik berdi. Bul týraly Sý resýrstary jáne ırrıgatsııa mınıstrligi habarlady.
Qazir barlyq joba memlekettik saraptamadan ótip, oń qorytyndy aldy. Jobalardyń altaýy Jambyl oblysynyń Baızaq jáne Jambyl aýdandaryndaǵy magıstraldyq kanaldardy betondaý jumystaryn qamtıdy. Al bir joba Pavlodar oblysyndaǵy Q.Sátbaev atyndaǵy kanaldaǵy bógetterdiń birin rekonstrýktsııalaýǵa baǵyttalǵan.
– Jobalardy kásiporyn mamandary ózderi, úshinshi tarapty tartpaı-aq ázirledi. Bul qomaqty qarajatty únemdeýge múmkindik berdi. Sonymen qatar qarjy-sharýashylyq qyzmetti ońtaılandyrý aıasynda «Qazsýshar» RMK tehnıka parki 27%-ǵa jańartyldy. Sonyń arqasynda tehnıkany jalǵa alý shyǵyny 85%-ǵa qysqaryp, ony jóndeýge ketetin shyǵyn eki ese azaıdy,– dedi Sý resýrstary jáne ırrıgatsııa vıtse-mınıstri Erbolat Ibraıhan.
Aıta keteıik, Jambyl oblysynyń Talas aýdanynda «Qazsýshar» RMK-nyń jergilikti fılıaly 40 jyldan astam ýaqyt boıy tazartylmaǵan jer kanaldy qalpyna keltirý jumystaryn júrgizip jatyr.
Bıyl Sátbaev kanalynan Shiderti alqabyna qansha sý jiberiledi.
Bıyl 103 sýarý kanalyn avtomattandyrý bastalady.
