«Kanal-Dolına» is-sharasy barysynda 4 tonnadan astam esirtki tárkilendi
ASTANA. QazAqparat - 2014 jylǵy 16 qyrkúıekte «Kanal» óńirlik esirtkige qarsy operatsııasy sheńberinde júrgizilgen «Kanal-Dolına» esirtkige qarsy operatsııasy aıaqtaldy. Bul týraly Qazaqstan Respýblıkasy Іshki ister mınıstrliginiń baspasóz qyzmetinen habarlady.
Bes táýlik boıy Ujymdyq qaýipsizdik týraly shart uıymyna (UQShU) múshe memleketterdiń aýmaǵynda esirtki toptary áreketteriniń jolyn kesý jáne zańsyz aınalymnan esirtki quraldary men psıhotroptyq zattardy, qarýlar men oq-dárilerdi alý, esirtki bıznesiniń ekonomıkalyq negizderin joıý boıynsha úılestirilgen jedel operatsııa ótkizildi.
Operatsııaǵa UQShU-ǵa múshe memleketterdiń quzyretti organdary, qylmystyq kiristerdi zańdastyrý men terrorızmdi qarjylandyrýǵa qarsy is-qımyl boıynsha Eýrazııalyq topqa múshe memleketterdiń qarjylyq baqylaý bólinisteri (EAT), baqylaýshy retinde Aýǵanstannyń, Qytaıdyń, esirtki quraldarynyń, psıhtroptyq zattar men prekýrsorlardyń zańsyz aınalymyna qarsy kúres jónindegi Ortalyq Azııa óńirlik aqparattyq-úılestirý ortalyǵynyń (OAÓAÚO), Interpoldyń jáne TMD-ǵa qatysýshy memleketterdiń Shekara áskerleri Qolbasshylarynyń keńesi Úılestirý qyzmetiniń ókilderi qatysty.
Operatsııanyń maqsattary UQShU-ǵa múshe memleketterdiń aýmaǵyna Aýǵanstannan jáne Qytaıdan esirtki quraldarynyń kontrabandasy arnalaryn jabý, Shý alqabynan esirtki daıyndaý men áketýdiń jolyn kesý, Ortalyq Azııa elderiniń aýmaqtaryn esirtki kontrabandasy úshin paıdalanatyn transulttyq esirtki toptary áreketteriniń jolyn kesý jónindegi yntymaqtastyq mehanızmderin jetildirý boıynsha praktıkalyq mindetterdi sheshý bolyp tabyldy.
Sonymen qatar óńirdegi esirtki ahýalyn turaqtandyrý, zańsyz aınalymnan esirtki quraldaryn, psıhotroptyq zattardy, qarýlar men oq-dárilerdi alý, esirtki bıznesiniń ekonomıkalyq negizderin joıý boıynsha keshendi is-sharalar iske asyryldy.
Shara barysynda arnaıy ýákiletti vedomstvolardyń kúshteri men quraldaryn paıdalana otyryp, operatsııaǵa qatysýshy memleketterge esirtki túsý arnalaryn jáne olardyń kórshiles memleketterdiń aýmaǵy arqyly kontrabandalyq tasymaldanýyn anyqtaý jáne jolyn kesý boıynsha keshendi is-sharalar ótkizildi.
UQShU-ǵa múshe memleketterdiń jáne baqylaýshy memleketteriniń quqyq qorǵaý organdarynyń úılesimdi jumysynyń, qatysýshylardyń arasyndaǵy senimniń joǵary deńgeıde bolýynyń jáne olardyń ózara belsendi is-qımylynyń nátıjesinde zańsyz aınalymnan 4 tonna 206 kg esirtki, onyń ishinde 95 kılogramm geroın, 40 kılogramm sıntetıkalyq esirtki, 27 kg apıyn, 2 tonna 570kg marıhýana, 1 tonna 81 kılogramm gashısh, 17kg jabaıy ósetin kóknár, sondaı-aq 1 tonna 101 kılogramm prekýrsor alyndy.
Operatsııany ótkizý kezinde qylmyskerden 211 dana atys qarýy jáne 18971 oq-dári alyndy.
2446 esirtki qylmysy anyqtaldy. Operatsııa barysynda barlyǵy12288 myń qylmystyq is, onyń ishinde esirtkiniń zańsyz aınalymymen baılanysty 1733 qylmystyq is qozǵaldy. Esirtki qylmysy úshin 1637 adam qylmystyq jaýapkershilikke tartyldy.
«Kanal-Dolına» aýmaqtyq esirtkige qarsy operatsııasynyń nátıjesi esirtkiniń zańsyz aınalymyna qarsy kúreste halyqaralyq qadamnyń tıimdiligin jáne óńirlik deńgeıdegi ózara is-qımyldyń nátıjesin arttyrýdaǵy belsendi is-qımyldy jalǵastyrý qajettiligin kórsetti.
