Qanafııa Teljanovtyń 90 jyldyǵyna oraı sýretshiniń mereıtoılyq kórmesi ashylady
ALMATY. QazAqparat - Á. Qasteev atyndaǵy QR Memlekettik óner mýzeıinde Qazaqstannyń halyq sýretshisi, Qazaq KSR Memlekettik syılyǵynyń laýreaty, Qazaq KSR eńbek sińirgen óner qaıratkeri, KSRO halyq sýretshisi Qanafııa Teljanovtyń týǵanyna 90 jyl (1927-2013) tolýyna arnalǵan «Otan týraly dastan» atty sýretshi týyndylarynyń mereıtoılyq kórmesi ashylady, dep habarlaıdy QazAqparat tilshisi.
Restrospektıvtik kórmege Qanafııa Teljanovtyń shyǵarmashylyq jolynyń negizgi kezeńderin qamtıtyn Á. Qasteev atyndaǵy QÓM qoryndaǵy 70-ke tarta keskindemelik jáne grafıkalyq týyndylary qoıylady.
«Qanafııa Teljanov eki márte Qazaq KSR Joǵarǵy Keńesine depýtat bolyp saılandy. Kóptegen halyqaralyq, búkilodaqtyq jáne respýblıkalyq kórmelerdiń qatysýshysy. Teljanovtyń shyǵarmashylyǵynyń dıapazony asa aýqymdy. Ol tarıhı jáne turmystyq keskindemelerdiń, portrettik jáne peızajdyq týyndylardyń avtory. Ekspozıtsııaǵa sheberdiń «Búrkitpen ańǵa shyǵý» (1954), «Atameken» (1958), «Kókpar» (1960), «Tynyshtyq» (1964), «Qyz qýý» (1966), «Qazan» trıptıhy (1970) jáne t.b. kirdi. Qazaq kásibı keskindeme mektebiniń negizin salýshylardyń biri Qanafııa Teljanov búkil ómiri men qudiretti darynyn óz halqyna, gýmanızmniń jarqyn ıdealdaryna, óner jolyndaǵy jasampazdyqqa arnady», - dedi kórme jetekshisi, ónertaný ǵylymdarynyń kandıdaty Ámir Jadaıbaev.
