Kanadanyń shyǵysynda ushaq apatqa ushyrady
ASTANA. QazAqparat – Kanadanyń shyǵysyndaǵy Nıýfaýndlend jáne Labrador provıntsııasynda shaǵyn ushaqtyń qulaýy saldarynan tórt adam qaza taýyp, úsheýi iz-túzsiz joǵalǵan. Bul týraly seısenbide CBC telearnasy habarlady.
Keleńsiz jaǵdaı dúısenbi kúni keshkilik provıntsııanyń soltústigindegi shalǵaı aýdanda oryn aldy. Ushaq Mıstastın kóline qulaǵan.
Onyń bortynda ushqysh pen alty jolaýshy bolǵan. Qutqarýshylardyń málimetine qaraǵanda, tórt adam qaza tapqan, al úsheýin izdeý sharlary jalǵasýda.
Áýe apaty oqıǵasy boıynsha tekserý jumystary bastaldy.
