Kanadanyń «olımpıadalyq» provıntsııasynda A/H1N1 tumaýynyń qurbandary 30 adamǵa jetti
A. Qarashanyń 18-i. QazAqparat - 2010 jyldyń aqpan aıynda qysqy Olımpıada oıyndaryn qabyldaǵaly otyrǵan Kanadanyń Brıtandyq Kolýmbııa provıntsııasynda A/H1N1 tumaýynan qaıtys bolǵandardyń sany 30 adamǵa jetti,
dep habarlaıdy «RIA «Novostı» agenttigi «olımpıadalyq» provıntsııanyń densaýlyq saqtaý mınıstrliginiń aqparattyq bıýlletenine silteme jasap.
Sońǵy jeti kúnde Brıtan Kolýmbııasynda dońyz tumaýynyń saldarynan 5 adam kóz jumdy.
Brıtan Kolýmbııasynda vırýspen kúres aıasynda vaktsına egý amaly jalǵasýda. Ótken aptada 250 myń adam egildi. Provıntsııanyń medıtsınalyq ókimetiniń baǵalaýynsha, aldaǵy jeti kúnde vaktsına egilgenderdiń qatary taǵy 258 myń adamǵa tolyǵady, al qarasha aıynyń sońy men jeltoqsannyń basynda provıntsııada A/H1N1 tumaýyna qarsy egilgenderdiń sany 1 mıllıonǵa jetedi. Al provıntsııada 4,5 adam tirshilik keship jatyr.
