Kanadanyń avıatsııalyq bılik ókilderi Qazaqstanǵa saparlaıdy
NUR-SULTAN. QazAqparat - Qazaqstan men Kanadanyń avıatsııalyq bıligi áýe kóligi salasyndaǵy ózara áriptestikke kelisti, dep habarlaıdy QazAqparat tilshisi.
«Monreal qalasynda (Kanada) Halyqaralyq azamattyq avıatsııa uıymynyń (IKAO) mereıtoılyq Assambleıasynda Qazaqstan delegatsııasy Kanadanyń avıatsııalyq bılik ókilderimen áýe kóligi salasyndaǵy yntymaqtastyq máseleleri boıynsha kezdesý ótkizdi. Kezdesýge kanadalyq delegatsııa quramynda Kanada Syrtqy ister mınıstrliginiń, Kólik mınıstrliginiń jáne kólik agenttiginiń ókilderi qatysty», - delingen Azamattyq avıatsııa komıtetiniń Telegram-daǵy paraqshasynda jarııalanǵan aqparatta.
Kezdesý barysynda taraptar halyqaralyq áýe tasymaly salasyndaǵy ózara áriptestikti, eki memleket arasyndaǵy áýe qatynasy, sondaı-aq eki eldiń áýe tasymaldaýshylary arasyndaǵy kelisim máselelerin talqylady.
Avıatsııalyq qaýipsizdikti qamtamasyz etý salasynda jumys ádisterin jetildirý jáne tájirıbe almasý protsesin jaqsartý maqsatynda aǵymdaǵy jyldyń qazan aıynda Kanada avıatsııalyq bılik ókilderi delegatsııasynyń Qazaqstanǵa sapary josparlanǵan.
