Kanadanyń áskerı ushaǵy eldiń ortalyǵynda apatqa ushyrady
ASTANA. QazAqparat - Kanadanyń áskerı ushaǵy eldiń ortalyǵynda apatqa ushyrady, eki ushqysh katapýltanyń kómegimen ushaqtan shyǵyp úlgerdi, dep habarlaıdy Rıa Novostı CBC News telearnasyna silteme jasap.
Jaısyz oqıǵa juma kúni Saskachevan provıntsııasy Mýs-Djo qalasyndaǵy áskerı-áýe bazasynyń jattyǵý alańynyń mańynda bolǵan. Katapýltany paıdalaný barysynda ushqyshtar jaraqat alǵan. Alaıda jaraqattar olardyń ómirine qaýip týdyryp otyrǵan joq.
Oqıǵanyń mán-jaıy anyqtalýda. Áskerı ushaqtyń qulaýyna baılanysty tekserý jumystary júrgiziledi.
