Kanadanyń aǵylshyn tildegi ánurany áıelder úshin ózgertilmek
ASTANA. QazAqparat - Kanada Parlamentinde Lıberaldyq partııadan saılanǵan depýtat Morıl Belanje eldiń «O, Canada» ánuranynyń aǵylshyn tilindegi nusqasynda áıel zaty eskerilmeı qalǵany úshin ony ózgertý qajettigin usyndy.
«Bul zań jobasy arqyly Kanadany qurý, qalyptastyrý jolynda eńbek etken barlyq áıelderge tıisti qurmet kórsetý qajettigin aıtqym keledi», - dep jazady Belanje.
«RIA Novostı» agenttiginiń habarlaýynsha, ánurannyń aǵylshyn tilindegi mátininde Kanada uldarynyń otanǵa degen mahabbaty aıtylǵan. Endi bul mátin ózgerýi múmkin. Aıta keteıik, ánurannyń frantsýz tilindegi nusqasynda mundaı másele joq. Onda án mátini basqasha jazylǵan.
Foto: © Flickr/ Dennis Jarvis
