Kanadanyń 170 myń turǵyny jaryqsyz qaldy
NUR-SULTAN. QazAqparat – Kanadada daýyl men nóser saldarynan 170 myń adam jaryqsyz otyr, dep habarlaıdy QazAqparat SVS telearnasyna silteme jasap.
Kanadanyń shyǵysyndaǵy Kvebek jáne Ontarıo provıntsııalarynda beısenbige qaraǵan túnde kún buzyla bastady. Jeldiń jyldamdyǵy 110 km/saǵatqa (30 m/s) deıin jetti. Daýyl júzdegen aǵashty tamyrymen qoparyp, jarnama taqtalaryn julyp áketken, elektr symdary úzilgen. Kvebektiń ońtústik jáne batys aýdandarynda 80-100 mm-ge deıin jańbyr jaýyp, kóptegen eldi mekendi sý basty.
Zardap shekkender týraly ázirge málimet joq.
Kvebek provıntsııasyndaǵy birqatar qalada, sonyń ishinde Monrealda 137 myń turǵyn úı, mektepter, dúkender, memlekettik mekemeler jaryqsyz qaldy. Ontarıonyń shyǵysynda 32 myń adam elektrden qol úzip qaldy.
Eki óńirdiń energııamen qamtamasyz etýshi kompanııalary apattyq brıgadalar elektr jelisin qalpyna keltirip jatqanyn málimdedi. Biraq qashan jaryq beriletini ázirge belgisiz bolyp otyr.
