Kanadanyń Áskerı-áýe kúshterin alǵash ret áıel basqarady

ASTANA. KAZINFORM – General-leıtenant Djeımı Speıser-Blanshet Kanadanyń Áskerı-áýe kúshteriniń qolbasshysy qyzmetin atqarǵan alǵashqy áıel atanady, dep habarlaıdy TASS Kanada Qorǵanys mınıstrliginiń baspasóz qyzmetine silteme jasap. 

– General-leıtenant Speıser-Blanshet Kanadanyń Áskerı-áýe kúshteriniń 22-shi basshysy jáne bul laýazymdy atqaratyn alǵashqy áıel bolady, - delingen vedomstva habarlamasynda.

The Canadian Press habarlaǵandaı, taǵaıyndaý rásiminde jańa bas qolbasshy Kanadanyń Áskerı-áýe kúshteri «úlken mindetter» aldynda turǵanyn atap ótti. 

– Qazir bizde kadr jetispeıdi jáne jaýyngerlik ázirlikke joǵary talaptar qoıylady. Meniń oıymsha, bul – basty másele, - dedi ol.

Kanada Áskerı-áýe kúshteriniń bas qolbasshysy bolyp taǵaıyndalǵanǵa deıin Speıser-Blanshet «Grıffon» shabýyldaý tikushaǵynyń ushqyshy boldy jáne Gaıtı men Bosnııa jáne Gertsegovınadaǵy BUU jáne NATO mıssııalarynda qyzmet etti. Sondaı-aq Kanada Áskerı-áýe kúshterinde ártúrli komandalyq qyzmetterdi atqardy. 

Eske sala keteıik, Eýroodaq pen Kanada qatynastaryn nyǵaıtady.