Kanadany órt sharpydy, ondaǵan myń adam evakýatsııalandy

ASTANA. KAZINFORM – Kanadada, ásirese Saskachevan, Manıtoba jáne Ontarıo provıntsııalarynda órt sany men jalynnyń sharpýy kúrt ósti, dep habarlaıdy Kazinform menshikti tilshisi. 

Kanadanyń orman órtteri agentaralyq ortalyǵynyń málimetinshe, elde 200-den astam órt bolyp jatyr, onyń jartysynan kóbi baqylaýdan tys qalǵan. 

Órt sharpyǵan jalpy aýmaq 1,5 mln gektardan asady, evakýatsııalanǵandar sany 32 myńnan adamnan asty. Aýqymdy órtterdiń negizgi sebebi qurǵaq aýa raıy men klımattyń ózgerýine baılanysty joǵary temperatýra boldy. Kanadalyq orman órtinen shyqqan tútin uzaq qashyqtyqqa taralyp, AQSh pen Eýropadaǵy aýanyń sapasyn nasharlatty. 

Sońǵy aptalarda spýtnıktik derekter Kanadadaǵy orman órtinen shyqqan tútinniń Atlant muhıtynan ótip, Eýropaǵa jetkenin rastady. Alǵashqy tútin Jerorta teńizine mamyrdyń ortasynda jetti, Grekııa men Shyǵys Jerorta teńizinde de anyqtaldy.

Úlken shleıf mamyrdyń aıaǵynda paıda bolyp, 1 maýsymda soltústik-batys Eýropaǵa jetti, aldaǵy kúnderi tútinniń odan ári taralýy boljanyp otyr. 

Boljam boıynsha, bul shleıfter negizinen joǵary bıiktikte paıda bolyp, jer betindegi aýanyń sapasyna aıtarlyqtaı áser etýi ekitalaı bolǵanymen, sonda da tumandy aspan týdyrýy múmkin. 

Buǵan deıin Túrkııada qatty sý tasqyny saldarynan bir adam joǵalǵanyn jazǵan bolatynbyz.