Kanadalyqtardyń 60 paıyzǵa jýyǵy Sochıdegi Olımpıadany jiti baqylamaq
ASTANA. QazAqparat - Kanada halqynyń 60 paıyzǵa jýyǵy Sochıdegi Olımpıada oıyndarynyń ótý barysyn «jiti baqylamaq».
Mundaı nátıjeni «Harrıs-Desıma» zertteý qyzmeti júrgizgen jalpyhalyqtyq saýalnama kórsetti. Sonymen birge, saýalnamaǵa qatysýshylarǵa: «Kanada quramasy Sochıde qaı sporttan sátti oıyn kórsetedi?» degen saýal qoıyldy. Oǵan halyqtyń 73 paıyzy altyn medaldardy erlerdiń hokkeı quramasy ákeledi dep kórsetken. 71 paıyzy áıelderdiń qurama komandasy altyn enshileıdi dese, 63 paıyzy jalpykomandalyq esepte úshinshi orynnan túspeıdi degen. Al 58 paıyzy basqa elderge qaraǵanda jeńip alynǵan medaldar sanynyń kóptigimen kózge túsedi dep jaýap bergen.
Vankýverde ótken Olımpıadada kanadalyqtar 26 medal oljalap, jalpykomandalyq esepte úshinshi oryndy ıelendi. Alaıda altyn sany boıynsha bárinen alǵa shyqty (14).
