Kanadalyqtar boksshy Sadrıddın Ahmedovty «qazaqstandyq sensatsııa» dep atady

ASTANA. QazAqparat - Kanadalyq buqaralyq aqparat quraldary 20 jastaǵy qazaqstandyq boksshy Sadrıddın Ahmedovty (4-0, 4 KO) «Qazaqstandyq sensatsııa» dep atady, dep habarlaıdy Sports.kz.

Ahmedov Hesýs Haver Mendosany (7-6-1, 6 KO) nokaýtqa jiberýge nebári 57 sekýnd jumsady.

«Mine, daıyn! Ahmedov Mendosany jeńdi. Referı 57-sekýndta jekpe-jekti toqtatýǵa májbúr boldy. Qazaqstandyq sensatsııanyń taǵy bir jyldam jeńisine kýá bolyp otyrmyz», - dep jazdy Týıtterde Ringsideblog.com jýrnalısi Jan-Fılıpp Arkand.

Aıta keteıik, Sadrıddın Ahmedov kásipqoı boksta osy kezge deıin ótkizgen tórt kezdesýin de nokaýtpen aıaqtaǵan. Sonyń úsheýi tek bir ǵana raýndqa sozylǵan.