Kanadalyq jasyl shyrshany jalǵa alatyn bolady
ASTANA. Jeltoqsannyń 23-i. QazAqparat - Ormandy qorǵaýdy qoldaýshy jáne jasyl shyrshany kesip satýǵa narazy adamdardyń kóńilderi jaılaryna túsken syńaıly - Kanadada jasyl rojdestvolyq shyrshany jalǵa alyp, meıramnan keıin aǵashty ormanǵa qaıtarýdyń múmkindigi paıda boldy,
dep habarlaıdy ITAR-TASS agenttigi.
Kanadalyq "Kerbonsınk Krıstmas" fırmasy osyndaı qyzmet kórsetýde. Osy bir shaǵyn fırmanyń qojaıyny Bred Meıdjor tabıǵatty qorǵaýshylardyń da kóńilinen shyǵatyn osy bir ıgi isti qolǵa alyp otyr. Ol Rojdestvo merekesi qarsańynda kesilgen jasyl shyrshany satyp alýǵa «júrekteri daýalamaıtyn», satyp alsa da, keıin «uıqylary buzylatyn» tabıǵatty qorǵaýshylarǵa osyndaı usynys jasady.
Shyrshalar bazarǵa tamyrymen, úlken ydystarmen jetkiziledi. Ekimetrlik qylqanjapyraqty aǵashty jalǵa alý 125 kanada dollary (45 eýro) turady. Qysqa ǵana merzimniń ishinde Vankýverde 120 otbasy osyndaı shyrshany jalǵa alǵan. Onyń ústine, shyrshany satyp alǵannan, jalǵa alý arzanǵa túsetini taǵy bar.
