Kanadalyq Vınnıpegte Rım-katolıktik shirkeý ákimshisi 300 myń dollardy jymqyrǵan
ASTANA. QazAqparat - Kanadalyq Manıtoba provıntsııasynda Rım-katolıktik shirkeýdiń birinde ákimshi dinı mekeme esebindegi 400 myń dollardan (300 myń AQSh dollary) astam qarajatty ıelengeni úshin aıyptalýda.
Bul týraly sársenbide SVS telearnasy habarlady.
Áńgime Vınnıpegte 2009-2014 jyldarda Kıeli Bernadett shirkeýinde qarjy isterimen aınalysqan 39 jastaǵy Leo Makkoane jaıynda.
Ótken jylǵy mamyrda jergilikti eparhııanyń aýdıtorlyq tekserýi barysynda bul adam shirkeý esebinen qarajat alyp, joǵaryda turǵan qarjy basqarmasyna jalǵan qujat jibergeni anyqtalǵan. Osydan keıin eparhııa polıtsııaǵa júgingen.
«Ol 2015 jyly aýdıt bolatynyn bilgen. Sondyqtan 2014 jyldyń sońynda jumystan shyǵyp ketti», - dep málimdedi mekemeniń qarjy ákimshisi R. Freshe. Makkoany polıtsııa qamaýǵa aldy. Oǵan alaıaqtyq, urlyq, jalǵan qujat jasaý boıynsha aıyp taǵyldy.
