Kanadalyq Vınnıpegte kishkentaı ushaq apatqa ushyrap, eki adam qaza tapty
ASTANA. QazAqparat - Kanadalyq Vınnıpegtiń (Manıtoba provıntsııasy) mańynda kishkentaı ushaq apatqa ushyrap, eki adam qazaǵa ushyrady. Bul týraly CTV telearnasy habarlady.
Telearnaǵa silteme jasaǵan polıtsııa málimetterinshe, Piper-PA 28-140 markaly ushaq ushqan boıda Lınkrest áýejaıynyń qasynda apatqa ushyraǵan. Onyń bortyndaǵy eki adam qaza boldy. Olardyń kim ekendigi aıtylǵan joq, dep habarlady TASS.
Belgili bolǵandaı, ushaq 20 jyl buryn shyǵarylǵan jáne tehnıkalyq jaı-kúıi jaqsy bolǵan. Nusqalardyń birinde qaıǵyly oqıǵa ushqyshtyń qateliginen bolǵandyǵy aıtylady. Vınnıpeg áýe kemeleri rekreatsııalyq qaýymdastyǵynyń prezıdenti Djım Oýktyń aıtýynsha, mashınany jumysyn jańadan bastaǵan ushqysh basqarǵan. Tótenshe jaǵdaıdy tergeý sharalary bastaldy.
