Kanadalyq sharýa ózdiginen júretin traktordy jumysqa jegip qoıdy (VIDEO)
ASTANA. QazAqparat - Kanadada arýa qojalyǵynyń ıesi Mettıý Raımer John Deere 7930 traktoryna avtopılot jasap shyqty.
Jobanyń apparattyq bóligine avıamodelshilerge tanymal PixHawk avtopılot, sondaı-aq Arduino tuǵyrnamasy paıdalanyldy. Baǵdarlamalyq qamtylym Ardupilot avtopılotynan, avtopılotty MAVLink hattamasymen qashyqtan basqaratyn DroneKit-Python baǵdarlamasynan jáne traktor toraptaryn tikeleı basqarý úshin jazylǵan baǵdarlamalyq kodtan turady.
Traktordyń bul modelinde basqarýshy belgilerdiń kóp bóligi elektronıkanyń kómegimen júzege asyrylǵandyqtan, sharýaǵa basqarýdyń mehanıkalyq basqarý tetikterine qandaıda bir tetik ornatýdyń qajeti bolmaǵan. Onyń ornyn elektrondy sıgnal beretin sym almastyrǵan.
Ózdiginen basqarylatyn tehnıkany jabdyqtaý jónindegi oı sharýaǵa jıyn-terin kezinde kombaınnyń janynda astyqty quıdyryp alý úshin tirkemeli traktor júrgizýshin tappaǵanda kelgen. Eki apta boıy súreńsiz ári aqysy az jumysqa nıettiler bolmaıdy, sondaı-aq osy kezde óńirdegi dıhandardyń bárine osyndaı ókmekshi qajet.
Ózdiginen basqarylatyn traktor kombaınnyń qasynda endi qatar júre alǵanyna qaramastan, astyqty júk kóligine quıýdy sharýa kólik róline ózi otyryp atqarady.
