Kanadalyq maman Pavlodarda qyzanaqtardyń sapasyn arttyrýdyń syrymen bólisti

Sheteldik mamannyń aıtýynsha, oblysta qyzanaqtardy ósirý boıynsha júzege asyrylyp jatqan jobanyń múmkindikteri zor, dep habarlaıdy pavlodarnews.kz.

- Jergilikti kásiporyndaǵy qyzanaqtardy óndirý protsesimen tanystym. Jumys deńgeıi joǵary ári óndiris tehnıkalyq jaǵynan zamanaýı qurylǵylarmen tolyqtaı qamtylǵan. Eń mańyzdysy,  tıimdi menedjment jasaý ónimniń artýyna yqpal etedi, - deıdi Prem Karbanda.  Maman jumysty tıimdi josparlaý tájirıbesimen bólispek. Sondaı-aq, ol qyzanaqtar tez ósetin ósimdikter qataryna jatqandyqtan, olardy ósirý  arnaıy gıgıenany qajet etetinin de jetkize ketti.

 Aıta ketý kerek, Prem Karbanda halyqaralyq CESO uıymynyń múshesi. Bul uıym - joǵary deńgeıdegi mamandardy biriktirip, klıentter men áriptesterge óz bilimderimen bólisý arqyly ekonomıkalyq damýǵa úles qosatyn birlestik. Per Karbanda osy mıssııamen Gandýras, Bolıvııa, Kamerýn jáne Qytaı elderinde bolǵan. Pavlodarlyq jylyjaı kombınatynyń basshysy Meıram Makashevtiń aıtýynsha, bul - shetelden maman shaqyrtýdyń alǵashqy tájirıbesi.  - Bizdiń kásiporyn jas, bir jyldan astam ǵana qyzmet etemiz. Óndiristi zamanaýı tehnologııalarmen jabdyqtadyq. Aldaǵy ýaqytta da joǵary jetistikterge  jetýdi kózdep otyrmyz. Sondyqtan da kásipkerler palatasynan sheteldik mamandy shaqyrtýǵa qoldaý kórsetýdi suradyq. Bul óndiristiń damýyna serpin beredi degen senimdemiz, - deıdi  Meıram Maqashev.